No prizes for guessing who wrote this one!

The Cat-o-Log, Epilog

I S'POSE ITS TIME THAT I CONFESSED, 

I DOOT A GUID WHEEN NOO HAE GUESSED, 

THAT I'M THE BOY WHA IS TAE BLAME, 

FOR RHYMES WRIT UNNER ITHER NAMES.

 

THE NAMES WUR A PERT O THE JOKE, 

BUT YE CANNAE FOOL NORTH ANTRIM FOLK, 

SO HERE I STAN TAE TAK THE BLAME 

FOR AL' THON ITHER OUL FOOL NAMES. 

'THE HUNTER', 'PICT' AN 'SHEP THE DOAG', 

AN 'MOGGUS FAE THE GARRY BOAG', 

'WEE AGGIE' FAE ABANE KNOCKSOUGHY, 

WHA WUS' YE'LL MINE A NERVOUS BROCKEY. 

TAE ADD TAE A THON OUL FOOL BANTER, 

A TALE WUS TOUL BAE 'TAM THE SANTER', 

IN TROTH WE EVEN HARD FAE 'BESSIE', 

COUSIN O' THE FAMOUS 'NESSIE'. 

THE 'POOCHER' WRITIN IN THESE ANNALS, 

MAE FELLA RHYMER CHARLIE RANNALS, 

AN AS THE BEANS I'M NOO AL' SPILLIN, 

YER HUMBLE SCRIBE IS CHARLIE GILLEN. 

P.S. 

COME ON YE POETS BARDS AN RHYMERS , 

LABOURIN MEN AN SOCIAL CLIMBERS, 

WHUTIVER TONGUE YE MICHT RECITE IN, 

CHUW YER PENCIL, KEEP ON WRITIN. 

I'M TOUL THE BOY WHA RINS THE 'TIMES', 

KINNA LAKES THE WEE BIT RHYMES, 

COME NOO FOLKS AN DAE YER BIT, 

TAE COIN A PHRASE JOOST 'KEEP HIR LIT'. 

'The Wizard O' The Flough'